التمر معمربطريقة جميلة للمناسبات

المقادير

تمر من نوع جيد نمسحوه بماء الزهر و نشقوه من الفوق و نزولو ليه العظم
عقدة اللوز (نحضروها او نشريوها جاهزة يكون لونها ابيض)
مرشم صغير مدور و مرشم على شكل عريش (ورقة شجرة)
عقيق ابيض
ملون اخضر و اصفر او حسب الرغبة

الطريقة

بالنسبة لضيوف العروسة كنديرو الوريدات بالاصفر و الاوراق بالاخضر يعني غدي نلونو عقدة اللوز قسم بالاخضر و قسم بالاصفر اولا نسرحو العقدة ديال اللوز الصفرا بالمدلك و نقطعو بالمرشم المدور و نحاولو نشكلو من كل ثلاثة دوائر وردة مفتحة حتى نكملو ثم نسرحو العجينة الخضرا و نقطعوها على شكل عريشات و ناخدو كل تمرة نديرو فوقها عريش و عريش اخر من جنب التمرة و عريش ثالث من الجنب الاخر و الوسط نديرو وردة صفرا و نديرو وسط كل وردة عقيقة و منين نكملو نستفوهم في طبق خاص على شكل قلب كيجي منظر التمر بحال الورد
و بالنسبة للتمر اللي كيتقدم للعروسة كتكون الوردة لونها ابيض و بالنسبة للسابع ديال البنت كتكون الوردة لونها وردي (rose) و بالنسبة للولد لونها ازرق فاتح و طبعا العريشات دائما بالاخضر
الطبخ

اللحم قدرة

المقادير
نصف كيلو لحم او دجاج
كيلو بصلة
زلافة حمص مفزك ليلة في الماء و مفسخ
ملح
ملعقة صغيرة سكينجبير
نصف ملعقة ابزار
نصف ملعقة سمن
شوية زعفران حر و ملون
زلافة لوز مسلوق و مقشر
ربطة ديال القزبر و المعدنوس
كاس زيت

الطريقة

ندير 2 بصلات مشلضين مع اللحم و الزيت و التوابل ثم نديرو الربيع ربطة و نمرق و نسد عليه يطيب نصف طيبة ثم نزيد الحمص و اللوز ونزيدو البصلة اللي بقات من الكيلو نخليوه يكمل الطياب و يعقد المرق

 

الى بغينا نديرو معاه الروز نديرو نصف زلافة ديال الروز مع 2 مغارف من المرق و نحطو الزلافة وسط اللحم و نخليو الروز يطيب

الطبخ

دجاجة ملفوفة بالعجين المورق

المقادير
دجاجة كلغ و نص
2 بيضات
إبزار

ملح
معدنوس
موطارد
فرماج محكوك
العجين مورق

   العجين مورق
نصف كلغ  الفورص
م ك الخل
م ك الزيت
بيضة
رابعة زبدة

الطريقة

نعجن العجين مع المكونات تجمع بالماء ندلكها مزيان
نبسط العجين نعمل وسطها الزبدة و نسد عليها نعمل الدقيق
و نطويها و نبدا نطلقها بالدقيق على جهة اليمين 5 مرات بلا ثلاجة

 

الطريقة
نبخر الدجاجة  و نخليها حتى تبرد و نزول ليها العظام ونفرتوها
و نطحنها في الخلاط حتى تولي بحال العجين نزيد عليها الملح + الإبزار+ البيض + المعدنوس و ونجعلها بحال القضيب
ناخد العجين المورق نطلقوه ندهنوه بالموطارد و نعمل القضيب و سطه
نغطيه بالعجين و نزول الجوانب الزائدة ندهن ثاني بالموطرد و الفرماج
و ندخله للفران حتى يطيب نخرجه باش ما ييبس

موقع الطبخ

طاجين الفرخ اي الصنور

المقادير
كيلو الفرخ
3 م ك قزبر مدقوق
3 م ك معدنوس مدقوق
3 فصوص توم
1 م ص كامون
1 م ص تحميرة
ملح
عصير حامضة
2 م ك زيت بلدية
2 اعراش ازير
1 مطيشة محكوكة
1 م ك مطيشة الحك
1/2 كاس الماء

+

4 بطاطات
جدور الكرافس
3 مطيشات
1/2 كاس زيت مخلط
كاس كبيرماء يكون فيه رابعة
2 فلفلات خضرين او ملونين
1ضرس توم
1 م قزبر
1 م معدنوس
2 مطيشات محكوكين
1م ص تحميرة
1 م ص الكامون
كورنيشو
الزيتون مقطع
ربع كاس زيت مخلط
حامض مصير

الطريقة

نشرمل الحوت بالمقادير الاولى

فى الطاجين نفرش جدور الكرافص تم مطيشة دوائر تم بطاطا دوائر تم الحوت والماء نكبوه من الجوانب حتى يطيب   نزينوه بالفلفلة مشوية ومقطعة + 2 مطيشات محكوكين والكورنيشو نخليوه شوية فوق النار

موقع الطبخ

كراتان بلكريب وكبدة الدجاج

المقادير

عجين لكريب

1/2 لتر الحليب
225غ طحين
50غ الزبدة
2 بيضات
ملح الابزار

فى الخلاط نديرو الحليب +الزبدة مدوبة + ملح + ابزار+ البيض + طحين وتترك جانبا

الحشوة

500غ مطيشة
3 م الزيت
ملح الابزار
1 م ص مطيشة الحك
1 م ص سنيدة
2 فصوص التوم
بصلة مشلدة
1 م ص الربيع مقطع
250غ كبدة الدجاج او اللحم او الصدر.........
2 بيضات مسلوقين
100غ الفرماج
شوية الكوزة
الزيتون مقطع اخضر
قشرة حامضة مصيرة

الطريقة

نقطع مطيشة  مربعات نضيف التوم + الزيت + مطيشة الحك حتى تطيب نضيف الربيع ونخليوه جانبا
فى مقلاة نشحرو البصلة مع الزبدة والزيت حتى تدبال نضيف الكبدة الدجاج مقطع والملح والابزار حتى تطيب نزولوها من النار ونضيف البيض مسلوق اللى تيكون محكوك و50غ الفرماج والكوزة
فى المول نديرو لاصوص ديال مطيشة تم كريب الى حشيناه بالخليط ديال الكبدة وطويناه على شكل مستطيل تم الفروماج محكوك وقشرة الحامض ويدخل للفرن

بالنسبة للكريب ممكن كل سيدة تعمل المقادير ديالها

موقع الطبخ

شرائح الديك الرومي بالكرنب

المقادير

نصف  كلغ شرائح الديك الرومي
م ك معدنوس مقطع
م ك عصير الحامض
بصلة محكوكة
ملح
إبزار

م ك قزبر حبوب مدقوق

زلافة الكرمب مقطع رقيق

ضامة البنة

ياغورت مسوس

4 قطع كيري

نصف  كلغ مطيشة

م ك قزبر مقطع

شوية زعتر

شوية الملح

الطريقة

نشرمل  الديك الرومي في المعدنوس + الحامض  + البصلة نص م ك قزبر حبوب مدقوق + الملح و البزار
نخليهم يترقدو ساعة

 

ناخد مقلاة فيها شوية الزيت نعمل فيها الكرمب نص  قزبر  حبوب ملي يدبال نزيد الياغورت ثم الفرماج و نمعكهم مزيان و نزيد الضامة مفتة

 

ناخد مقلاة نعمل فيها مطيشة منقية مزول ليها الزريعة مقطعة صغيرة + م ك قزبر مقطع +شوية الملح + إبزار + شوية الزيت البلدية

 

نقلي شرائح الديك الرومي
 

 

في طبق الفرن و يكون للتقديم
نعمل نص الشرائح ثم الكرمب   ثم النصف د الشرائح ثم صوص مطيشة و الفرماج إدا كان موجود
و ندخلوه للفرن

موقع الطبخ

طاجين اللحم بالبادنجان

المقادير

1 كيلوغرام لحم غنم مقطع قطع متوسطة  

بصلة مفرومة 

  حبة طماطم 

2 فصوص ثوم 

نصف ملعقة فلفل أسود 

نصف ملعقة زنجبيل 

نصف ملعقة زعفران 

كاس صغير زيت 

قزبر و معدونس مقدار اربع ملاعق كبيرة 

4 حبات بادنجان 

كأس صغير حمص منقوع يعني 

زيت للقلي  

ملح   2 كاس من الماء.

الطريقة

تغسل الطماطم تقشر وتقطع قطع صغيرة, يغسل اللحم يوضع في طنجرة يعني يضاف اليه البصل الفروم والثوم المهروس والطماطم المقطعة قطع صغيرة وباقي التوابل والزيت ويترك يتقلى جيدا
يضاف  الماء الكافي الطنجرة  وتترك فوق نار معتدله حتى ينضج اللحم قبل نضوج اللحم ب 15 دقيقة نضيف القزبر والمعدونس والحمص

بعد دلك يغسل البادنجان ويقطع دوائر ويقلى في الزيت

الطبخ